إنقاص الوزن بدون دايت او رجيم

لو بتعاني من مشاكل في إنقاص الوزن أو بتحاول تخس يبقى أكيد بتاخد بالك من أكلك على الأقل- ده لو مكنتش جربت كل أنواع الرجيم والدايت اللي سمعت عنها زي كتير مننا وغالبا من غير فايده.

الريجيم ممكن يكون صعب قوي على كتير مننا مش بس علشان في معظم الأوقات الكميات بتبقى أقل بكتير من الللي بتاكله في العادي بس برضو أكيد مش سهل إنك تمنع نفسك من الحاجات اللي بتحبها زي مثلا الشوكليت كيك، التارت، المحشي، أو أكلتك المفضلة لما ماما بتططبخها.

ممكن تبطل تقلق من الدايت والريجيم ومن غير ما تمنع نَفسك من اللي نِفسك فيه. بدل ماتبطل أكل –أوتجوع نفسك وتحرم نفسك من الأكلات اللي بتحبها- جرب تبدل المكونات اللي في أكلك أوتختار حاجات صحية أكتر. نفسك في أكلة معينة؟ بص في مكوناتها وحاول تبدلهم بمكونات تانية أصح.

دي أحدث طريقة في عالم الصحة، لو عايز تخس او تقلل وزنك،  ببساطة حاول تتخلص من الأكل اللي في حاجات كتير مضرة لجسمك، زي السكر وطبعاً لازم تقلل من نسب الدهون المشبعة تبعد عن الزيوت المهدرجة .

collage3_1444217082

 

علشان نسهل عليك إنَك تبدأ، جايبنلك شوية حاجات ممكن تستبدلها في أكلك علشان تقلل من وزنك، من غير ما تحرم نفسك من اللي بتحبه

للفطار مثلا، ابعد عن الاكل اللى مليان زيوت ممكن تاكل فطار صحي من الشوافان أوالفطار المصري الأصيل زى  الفول والبيض المسلوق مع عيش بلدى . أو جرب تعمل أومليت بالخضار الطازة. الوجبات دول فيهم سعرات حرارية أقل وبروتين وفيتامين وألياف أكتر.

وممكن بدل البطاطس المقليه تجرب بطاطا بطاطس فى الفرن من غير زيت او سمنه أو مثلا بدل الجبن الصفرا زى الجبنه الرومى و الجوده تأكل جبنة قريش. وكمان بدل الفاكهة المجففة والسناكس زي الشيبسي وغيره جرب تأكل فاكهة طازة او مكسرات او حتى لب. أيوة لب لأنه فية ألياف وفيتامينات أكتر من أكلات كتير. الحاجات دي ممكن تفرق معاك كتير في أكل اليوم كله وتوفرلك سعرات حرارية ونسب دهون وتساعدك فى انقاص الوزن من غير ماتحس.

الطريقة دي ممكن تنفعك جدا لو إنت بتقابل صعوبة إنك متأكلش الحاجات اللي بتحبها. لما يبقى نفسك في أكلة شوف مكوناتها وشوف ممكن تبدلها بإيه صحي أكتر زي مثلا الأرز الأبيض بالأرز البني أو الدقيق الأبيض بالدقيق البني أو دقيق الحبوب الكاملة.  جرب وقول لنا إيه النتيجة.

It's only fair to share...Share on Facebook845Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *