أسباب الصداع النصفي و طرق التخلص من الألم

الصداع النصفي بيكون صداع مؤلم جداً و مصحوب بحساسية زايدة للنور و شعور بتعب في المعدة و ترجيع، و النوع ده من الصداع ليه أسباب كتير ممكن تخليه يحصل و عشان كده لو بيجيلك بشكل متكرر بننصحك تعمل مذكرة صغيرة بتكتب فيها أنشطتك اليومية و الحاجات اللي ممكن تكون بتأثر عليك عشان تقدر تحدد إيه العوامل اللي بتسببلك الصداع النصفي.

Migraine - triggers

أسباب الصداع النصفي:

النوم غير المنتظم: النوم القليل أو النوم أكتر من اللازم من الحاجات اللي بتزود أحتمالية أن يجيلك صداع نصفي، و نفس الكلام بينطبق على أضطراب النوم بعد رحلات الطيران الطويلة و أوقات النوم غير المنتظمة لأنهم بيأثروا على ساعة جسمك البيولوجية و الناس اللي عندهم عرضة للصداع النصفي مش بيستحملوا التغييرات اللي زي كده من غير ما يتعبوا.

نظام الأكل: حاول متفوتش أي وجبة من الوجبات الأساسية في يومك لأن أحد أسباب الصداع النصفي هي عدم الأكل لفترة طويلة، ده غير أن فيه أنواع أكل معينة ممكن يكون ليها علاقة مباشرة بالصداع النصفي حسب موقع Mayo Clinic، و منها الجبنة القديمة و الأكل المالح و الأطعمة المصنعة.

الضغوط العصبية: القلق و التوتر و الضغط العصبي من الأسباب الأساسية جداً للصداع النصفي، فحاول تبعد عن أي ضغوط عصبية عشان صحتك و مارس أي نوع من التمارين عشان ده هيساعدك على تفريغ الضغط العصبي و من وقت للتاني خدلك أجازة تريح فيها أعصابك.

المجهود البدني الكبير: مع أن التمارين مفيدة جداً لصحة جسمك و عقلك، لكن المبالغة في التمرين و الضغط على جسمك أكتر من اللازم ممكن يكون بيسببلك صداع نصفي حسب أحد الدراسات الأخيرة اللي أظهرت أن 22% من الناس اللي بيجيلهم صداع نصفي أعتبروا المجهود البدني المبالغ فيه واحد من أسباب الصداع النصفي.

الأدوية و العلاجات: فيه أدوية بتزود من قوة الصداع النصفي و منها حبوب منع الحمل و حبوب توسيع الشرايين الدموية، و عشان كده ضروري جداً أن تستشير الدكتور بتاعك قبل ما تبدأ تاخد نوع جديد من الأدوية، و لو عندك مشكلة مع النوع اللي بتستخدمه حالياً، اسأل دكتورك عن نوع بديل مناسب.

It's only fair to share...Share on Facebook1.4kShare on Google+0Pin on Pinterest0Tweet about this on Twitter
الكلمات الدليلية:, ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *