أسهل تمارين البطن

 

 دهون منطقة البطن من المشاكل اللى ناس كتير بتعانى منها. وناس كتير بعتت تسألنا عن احسن تمارين البطن اللى ممكن يعملوها. قبل ما نتكلم عن التمارين ديه ونشرحها، اهم حاحه لازم تعرفوها ان دهون منطقة البطن بتتأثر بشكل رئيسى ومباشر بنوعية الأكل اللى بتاكله. فيه أكلات بتعلى نسبة الانسولين جداً اللى بدوره بيخلى الدهون تتركز وتتخزن فى منطقة البطن او الكرش. المقال ده فيه كل المعلومات عن الأكلات ديه.

بس برضو الأكل مش كل حاجة لازم كمان تفضل محافظ على نشاطك وحيوتك لأن ده هيساعدك تخسر دهون جسمك عموما ودهون بطنك خصوصا. علشان كدة جايبنلك تمارين البطن اللى ممكن تعملها بسهوله ومش حتحتاج لجيم او اجهزه .

guy-with-nice-shoes-doing-the-bicycle-crunch

1- العجلة

لأ، مش العجلة الهوائية اللي بنركبها في الشارع! ده أول تمرين هيساعدك تتخلص من دهون البطن وتشد ترهلاتها وهو “تمرين العجلة” نام على ضهرك على الأرض وحط إيديك ورا راسك وإرفع كتافك عن الأرض شوية. إثني رجلي اليمين وإطلع بركبتك ناحية كتفك الشمال، وبعدين العكس. إبدأ ب8 عدات وبعدين زودهم واحدة واحدة وأكيد بعد شوية هتشوف الفرق.

تمارين - البطن

2- البلانك

دا واحد من افضل التمارين لشد البطن. ابدأ بوضع تمرين الضغط واتنى كوعك زاويه 90 درجه. خلى بالك ا نكوعك لازم يكون تحت كتفك مباشرةً ولازم جسمك كله يكون مفرود ومستقيم وتشد بطنك. اثبت على الوضع دا 30 ثانيه و كرره 3 او4 مجاميع. اول ما تتعود على التمرين، زوِّد المده لدقيقه كامله بدل 30 ثانيه.

upper-body-crunches

3- تمرين “الكرانش”

الكرانش من أكتر تمارين البطن المعروفة. التمرين ده سهل جدا، نام على الأرض، خلي رجلك في زاوية قائمة على الحيطة أو ببساطة إثني ركبتك أو إرفع رجلك على كرسي أو حاجة،خلى إيديك عند رأسك وشد نفسك إنك تقوم حوالي ¾ قومة وإنت معتمد على عضلات بطنك في حركة جسمك. مهم إنك ماتقومش للأخر وإنك تركز حركتك على عضلات بطنك. كرر حوالي 10 مرات في المجموعة وحاول تعمل حوالي 3-4 مجموعات.

4- تمرين البطن التقليدي

بكل بساطة نام على ضهرك، خلي دراعك جنبك ورجليك الإتنين مفرودين وبعدين إرفعهم على قد ماتقدر على تبقى رجلك عمودية على جسمك. نزل رجلك تاني بس مش للأخر وككر 8 مرات في المجموعة.

 

التمرينات دي كلها هتساعدك تتخلص من دهون البطن وتشدها بس أهم حاجة إنك تفضل مستمر عليها علشان تشوف نتيجة حقيقية.

It's only fair to share...Share on Facebook620Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *