أولومبياد ريو 2016: نتايج المنتخب المصري في اليوم الرابع

أولمبياد ريو 2016: نتايج المنتخب المصري في اليوم الرابع 2016، 9 أغسطس

  1. منتخب مصر لكرة اليد فاز ضد فريق السويد بطل العالم 26:25 بعد أداء ممتاز من الفريقين، فوز مصر بالماتش خلاها في المركز التالت في المجموعة B بنقطتين سجلتهم بعد الهدف المميز اللي سجله المنتخب في أخر الماتش، مصر هتلعب ضد بولندا يوم 11 أغسطس في تالت ماتش للمجموعة B، أول ماتش كان أنتهى بفوز سلوفينيا، و اللي حالياً واخدة المركز الأول على المجموعة هي و ألمانيا بـ 4 نقط لكل فريق.
  1. منتخب مصر للكرة الطايرة رجال فاز على كوبا 3:0 بعد ما خسر الفريق في المباراة الأفتتاحية ضد بولندا 0:3 في أول الأسبوع ضمن مباريات المجموعة B، فريق الأرجنتين، و اللي متصنف الخامس عالمياً، حالياً واخد المركز الأول على المجموعة بـ 6 نقط.
  1. بطل المبارزة أيمن فايز لعب ضد الفايز بالميدالية الدهبية في أولومبياد لندن 2012 روبن ليمبارو جاسكون من فينزويلا و فاز بنتيجة 15:5 و اللي أهلته لدور الـ 16 في منافسات المبارزة رجال، لكنه خسر ضد الفرنسي جروميه جوتيه 15:9 و اللي خرجه من منافسات الشيش الفردية لدور الـ 16.

Fencing Ayman Fayez

  1. بطل الملاكمة حسام بكر عبدالدين حقق فوز ضد ميرفين كلير من موريشيوس 3:0 في منافسات الملاكمة وزن 75 كجم، و هيلعب ضد ديدون ويلفريد من الكاميرون في دور الـ 16 يوم الجمعة 12 أغسطس، بنتمنى لحسام الفوز و الصعود للدور نصف النهائي.

  1. في منافسات رفع الأوزان فئة 63 كجم نساء، سجلت أسراء أحمد المركز السابع بعد ما رفعت 216 كجم، و فازت دينج وي من الصين بالميدالية الدهبية بعد ما رفعت 262 كجم.

Esraa Ahmed

  1. بطلة التجديف نادية نجم قدرت تسجل المركز الـ 24 في الدور ربع النهائي لمنافسات التجديف الفردي نساء بوقت 8:25.7 و هتشارك النهاردة 10 أغسطس في الدور نصف النهائي.
  1. عبدالخالق البنا أتأهل للدور نصف النهائي في منافسات التجديف الفردي رجال بعد أداءه الممتاز اللي خلاه يسجل وقت 6:50.82 رغم الظروف الجوية السيئة.

Egyp Rowing Rio 2016

منافسات النهاردة

في الساعة 2 الشهر هيتنافس سامي عبدالفتاح في مسابقة الرماية مسدس 50 متر، و هتلعب ريم منصور في منافسة الرماية قوس نساء في الساعة 2:26، و وراها بطل رفع الأوزان محمد إيهاب هيشارك في منافسة وزن 77 كجم و اللي بنتمنى أنه يقدر يحقق فيها أداء متميز و يحقق مركز متقدم، 3 من بطلات مصر هيشاركوا النهاردة برضه في منافسات المبارزة و التجديف و الإبحار و هما نورا محمد في الساعة 4:30، و نادية نجم في الساعة 5:30 و سارة السيد في الساعة 6:05، أحمد رجب هيشارك في منافسات الأبحار في الساعة 6:05 برضه و وراه هيتسابق السباح المصري محمد خالد حسين في سباق الـ 200 متر في الساعة 7:05.

حظ موفق لجميع أبطالنا!

It's only fair to share...Share on Facebook455Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *