إتخلص من حساسية الجيوب الأنفية

مع دخول الربيع وحرق قش الأرز والأتربة والتلوث والذي منه اللي بقينا تقريبا متعودين عليه، حساسية الجيوب الأنفية بترجع تبقى مشكلة كبيرة لكتير مننا! لو عايش في مدينة كبيرة أو حتى لو في الريف، فصل الربيع من أسوأ الفصول لو بتعاني من حساسية الجيوب الأنفية اللي بيضايقها الأتربة أو التلوث أو حتى لقاح الزهور اللي بيبقى منتشر في الهوا في فصل الربيع.

أعراض إلتهاب الجيوب الأنفية ممكن تكون مثلاً صداع أوالام الراس أو الوش، عطس أو كحة، إنسداد الأنف او كثرة المخاط أو الرشح، أو أعراض مشابهة لأعراض البرد. لكن مش دي بس المشكلة، لو إنت بتعاني من إلتهاب حاد، ممكن تلاقي نفسك في السرير طول اليوم بسبب مشاكل التنفس.

في أي صيدلية هتلاقي مضادات حساسية ومضادات للإلتهابات كتير ممكن تساعدك في التعامل مع إلتهاب الجيوب الأنفية، وطعاً لازم تستشير الطبيب المختص بيك، لكن لو إنت من الناس اللي بتحب أكتر الطرق الطبيعية أو الحلول المنزلية فإحنا جايبنلك اللي محتاجة.

6-best-teas-for-arthritis-symptoms-722x406

الشاي

الشاي الأسود أو شاي الأعشاب خصوصا ممكن يساعدك كتير مع حساسية الجيوب الأنفية لأنه بيرطب الجيوب الأنفية وكمان الزور وبيساعد على تخفيف الأعراض. ممكن كمان تزود عليه جنزبيل مبشور أو توم أو مرمرية أو ليمون ، بس إفتكر إنك تبعد عن الألبان ومنتجاتها لأنها بتزود المخاط وممكن تزود أعراض الإلتهاب.

شطف الأنف

متخافش الموضوع سهل وبسيط. هتلاقي الصيدلية حاجة إسمها وعاء نيتي، شكل براد الشاي كدة شوية، هتحط فيه شوية ميه وممكن تحط معاهم ملح البحر أو زيت أو حتى محلول مطهر، وبتميل راسك  وبوز الإبريق جوة مناخيرك. سيب الميه تغسل جيوبك الأنفية وتنضف كل اللي ممكن يكون مضايقك. أول كام مرة هتحس إن الموضوع غريب بس بعد كدة هتتعود.

البخار

البخار طريقة سهلة إنك تتخلص من أعراض الإلتهاب بسهولة خصوصا الرشح وإنسداد الأنف والمسالك الهوائية. إعمل حمام بخار بس مش أكتر من 8 أو 10 دقايق، ممكن كمان تزود له زيوت أساسية زي زيت شجرة الشاي أو كمان الثوم أو بصل مبشور.

في طرق تانية كمان ممكن تساعدك في التعامل مع إلتهاب وحساسية الجيوب الأنفية الموسمية، لكن برضو إفتكر إنها بيضايقها الأتربة والتلوث. لو إنت مشاكلك مزمنة حاول تخليك في البيت أيام التراب، صحتك تستاهل اليوم الأجازة!

It's only fair to share...Share on Facebook4.4kShare on Google+0Pin on Pinterest0Tweet about this on Twitter
التعليقات(6)
  1. غرباء غربنا 05/05/2016
  2. Sami Ali 07/05/2016
  3. عادل 21/06/2016
  4. إبراهيم 20/10/2016
  5. إبراهيم مراح عين فكرون 20/10/2016
  6. إبراهيم مراح عين فكرون 20/10/2016

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *