إعتنى ببشرتك في الصيف

مع دخول الصيف وزيادة الحرارة والرطوبة والتعرض لأشعة الشمس، البشره أول حاجة هتعاني ده طبعا غير إن بشرتك ممكن تعاني بسهولة من علامات التقدم في السن بسبب الشمس، وعلشان كدة بشرتك بتبقى محتاجة عناية أكتر في الصيف.

كتير مننا ببساطة معندهمش وقت مابين البيت والشغل والأولاد والواجبات الإجتماعية إنهم يستثمروا وقت (أو فلوس) كتير في الإهتمام ببشرتهم. بس ما تقلقوش، جايبنكلكم طرق طبيعية هتحمي بشرتك وتخليها نضرة وصحية طول الصيف.

عنايه - البشره - الصيف

 

اشربى مياه كتير

ممكن تكون حاجة بديهية جداً، لكن كتير مننا بالفعل مابيشربش مياه كفاية في أيام الصيف وطبعا أول حاجة بتعاني البشرة. خليكى فاكهر كمان إنك في الصيف محتاج تشربى أكتر من العادي علشان جسمك وبشرتك مايعانوش من الجفاف. ممكن كمان تكترى من شرب عصائر الفواكه لأنها هتساعدك على ترطيب بشرتك وجسمك عموما.

ماء الورد

جربي تغسلي وشك بماء الورد في الصيف علشان تحافظي على ترطيب بشرتك ونعومتها كمان ماء الورد تونر طبيعي هايلفي الصيف وهيحافظ علي البشره ناعمة ونضيفة طول الوقت.

السكرب

مهم إنك تحافظي على بشرتك نضيفة من الشوائب وفي نفس الوقت تحافظي على ترطيبها. جربي سكرب البشرة المعمول في البيت زي مثلا سكرب السكر والقهوة وزيت الزيتون أو غيره.

ماسك الوجه

 المسكات زي ماسك الخيار والزبادي هيساعدوكي تحافظي على بشرتك ناعمة ورطبة. ممكن كمان تجربي ماسك البيض والعسل أو أي ماسك تاني طبيعي مناسب لنوع بشرتك.

إحمي بشرتك من الشمس

حماية البشره من الشمس أساسية، إحمي بشرتك بالكريمات الواقية من الشمس أو إعملي إنت وصفة الكريم في البيت. ممكن تجربي المكونات الطبيعية اللي ممكن توفرلك الحماية زي زيت جوز الهند، الزنك أوكسيد، زبدة الشيا. كمان ممكن تجربي زيت بذور الجزر اللي لوحدة هيوفرلك حماية عالية.

في حاجات سهلة ممكن تمنع عنك وجع الدماغ في الصيف، إتجنبي الهدوم الضيقة وإلبسي هدوم تخلي بشرتك تعرف تتنفس. لو الشمس حرقت جلدك جربي تحطي على بشرتك ألو فيرا اللي هيهدي بشرتك ويرطبها ويعالج حروق الشمس.

فصل الصيف أكيد ممتع لأن مفيش أحسن من الشمس (وياسلام لو كمان فيه بحر) لكن إفتكري إن بشرتك محتاجة منك إهتمام زيادة في الوقت ده.

It's only fair to share...Share on Facebook1kShare on Google+0Pin on Pinterest0Tweet about this on Twitter
التعليقات(2)

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *