اتعلم الأكل الصحي من الأنستجرام!

أحنا مش بس بنستمتع بطعم الأكل، لا، كمان بنستمتع بشكله، و عشان كده مفيش مرة بنفتح فيها أنستجرام إلا و تعدي علينا صورة واحدة على الأقل لطبق أكل شكله يهبل، و ده خلى الأنستجرام من الأسباب اللي بتزود كميات الأكل اللي بناكلها حسب دراسة منشورة السنة اللي فاتت! لكن أغلب الأكل اللي بتنزل صوره على أنستجرام بيكون خليط من الحلويات و الأيس كريم و الهمبرجر و البيتزا و غيره، و الصور دي صعب تشجعك على الأكل الصحي و عشان كده جبنالك ألذ حسابات الأنستجرام الصحية!

@kalememaybe

A photo posted by Carina Wolff (@kalememaybe) on


كارينا وولف مخصصة الأنستجرام بتاعها لوصفات الأكل المفيد اللي معمول من مكونات أورجانيك و صحية عشان يحقق للجسم و العقل أحسن تغذية، وصفاتها فيها أكلات نباتية و أكلات بدون جلوتين، لكن ده ميمنعش أن الأنستجرام بتاعها مليان صور تجنن لأكلات بالتين، اللوز، الطماطم المجففة، الأفوكادو، و غيره.

@chocolatecoveredkatie


كايتي هيجنز بتحب الحلويات الصحية، و عشان كده خلت أنستجرامها كله عن الشوكولاته و الحلويات الصحية المحشية جوز هند و كرز و الدونات و زبدة الفول السوداني، الأكاونت بتاعها فيه كل الوصفات اللي هتحتاجها عشان تاكل حلويات براحتك من غير ما تخرب الدايت و تضيع صحتك!

@fitmencook


فكرة الأنستجرام ده كانت بدأت ببلوج على تمبلر عمله صاحبه كيفين ألكسندر و بعدها نقل الفكرة للأنستجرام، الفكرة ببساطة هي أنه بيعمل فيديوهات و بيقدم نصايح لوصفات الأكل سواء كان فطار، غدا أو عشا، و كمان الحلويات، الأكل على الأكاونت مش بس شكله يجنن، لكنه صحي و مغذي جداً.

@jamieoliver

A photo posted by Jamie Oliver (@jamieoliver) on


جايمي أولفير من أشهر الطباخين البريطانيين و وصفاته شكلها دايماً بيخليك تجوع أول ما تشوفها، و بعد ما نشر مؤخراً كتاب الطبخ Everyday Super Food بقى يركز في وصفاته على أنها تكون مفيدة جداً و مليانة معادن و فيتامينات للجسم.

@honestlyhealthy


لو بتدور على أنستجرام يساعدك في الدايت بتاعك، يبقى عليك و على الأنستجرام بتاع ناتاشا كوريت صاحبة فكرة الدايت القلوي اللي أستخدمه نجوم كتير زي جينيفر أنستون و روبي ويليامز و فيكتوريا بيكهام، تابع وصفاتها و نصايحها عن الدايت القلوي و هتستفيد جداً منها.

It's only fair to share...Share on Facebook10Share on Google+0Pin on Pinterest0Tweet about this on Twitter
الكلمات الدليلية:,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *