إزاي الإنسولين سبب في دهون البطن

كتير من المصريين رجالة أو ستات بيعانوا من الدهون البطن. ناس كتير بتعمل ريجيم قاسي وناس تانية بتعمل 10 ألاف تمرين بطن في اليوم بس لما الموضوع بييجي لدهون البطن او الكرش بالذات يبقى الكلام أكيد والحل في نسبة الإنسولين في الدم.

بدون-عنوان-1نسخ4

إيه هو الانسولين وبيعمل ايه؟

الإنسولين هو هورمون بيتعمل في البنكرياس وليه دور مهم في عملية التمثيل الغذائي أو حرق الأكل. لما نسبة الجلوكوز أو السكر في الدم بتعلى بعد الأكل الجسم بيفرز إنسولين علشان يساعد الخلايا إنها تحرق الجلوكوز وتحوله لطاقة، والجلوكوز الزيادة بيتحول لدهون في الكبد وبيتخزن في خلايا الجسم .

الكرش أو دهون البطن بيجي معاه دايما ما يطلق عليه مقاومة الإنسولين. مقاومة الإنسولين دى بتحصل لما الخلايا المستقبلة ليه بتقل حساسيتها للإنسولين فبتقلل بالتالي نسبة الجلوكوز في الجسم بعد الأكل. طبيعي إن نسبة الإنسولين في الدم تعلى جداً بعد الأكل، ولما بتبقى الخلايا كمان حساسيتها ليه أقل ومقاومتها أعلى، فبالتالي الجسم بيحتاج إنسولين زيادة. العملية دي بيصاحبها تكتل الدهون في منطقة البطن. خلايا الدهون دي بتكون مقاومتها للإنسولين أعلى من باقي الخلايا في الجسم وبدل ما بتحرق الجلوكوز وتحوله لطاقة، بتخزنه في صورة دهون.

مؤشر نسبة السكر

بصفة عامة إحنا محتاجين نأكل الأكل اللي فيه نسبة سكر قليلة أو مؤشر نسبة السكر فيه منخفض. مؤشر نسبة السكر هو مقياس بيترتب الأكل على أساسه بناءاً على سرعة تسببه في إرتفاع أو إنخفاض نسبة السكر في الدم وبالتالي إرتفاع نسبة الإنسولين. التفاح والموز والبروكولي والأرز البني والجزر والجرايب فروت والخس من الأكلات اللي مؤشر السكر فيه 55 أو أقل –وده يبقى مؤشر منخفض.

البوتين ملهومش مؤشر نسبة سكر لأنهم ما بيأثروش على نسبة السكر في الدم إلا لو كنت بتأكل معاهم حاجات تانية زي العيش أو سكريات.

عصير الفواكه (حتى الطازة) مع إن المعروف عنه إنه صحي لكن ناس كتير بتنسي إن كمية السكر فالعصير كتير. مع إن بعض الفواكه ممكن يكون مؤشر نسبة السكر فيها قليل لكن العصير مؤشر نسبة السكر ليه عالي وبالتالي بيعلّي نسبة السكر في الدم ويزود دهون البطن.

لما بتشرب كوباية كبيرة من عصير الفاكهة نسب السكر العالية اللي فيه بيمتصها الجسم بسهولة وبسرعة ، وطبعا بتؤدي لإرتفاع نسبة الإنسولين، فسكر الفراكتوز اللي في الفاكهة بيروح على الكبد اللي بيحوله لخلايا دهون اللي بتؤدي لمقاومة الإنسولين.

دراسات في التمثيل الغذائي لقت إن عصائر الفاكهة والمشروبات الغازية ممكن تؤدي لزيادة نسبة الإنسولين وكمان تزود الدهون الثلاثية وتسبب مقاومة الإنسولين.

الفاكهة الكاملة –يعني مش عصير- فيها سكر برضو بس زي ما نقول “ملموم” جوا بْنِية ليفية (من الألياف) فبتخلي عملية تكسيره وحرقه أبطئ وبكميات قليلة.

المشروبات الغازية حتى الدايت: دراسة جديدة إتنشرت في جريدة الجمعية الأمريكية لطب الشيخوخة لقت إن الناس اللي بتشرب مشروبات غازية دايت نسبة دهون البطن اللي إتجمعت عندهم في 9 سنيين كانت 3 مرات أكتر من اللي ما بيشربوش مشروبات مشروبات غازيه اصلاً. ومع إن العلماء لسة بيحاولوا يفهموا ده بيحصل ليه، لكن هم بيرجحوا إن ده نتيجة لأن المشروبات الخالية من السكر بيبقى فيها مواد مُحلية بتحلي من 200 ل600 مرة أكتر من السكر العادي.

مع إن السكر العادي فيه سعرارت حرارية كتير لكن جسمك عارف إن الطعم المسكر ده معناه إنك بتأكل أو بتأخد طاقة في صورة سعرات حرارية. أما بقى المُحليات الصناعية فهي بتضحك على الجسم وبتلخبطه وبتضعف الوصلة اللي في مخنا ما بين الأكل المسكر والسعرات الحرارية وده ممكن يخليك نِفسك أكتر في الأكل المسكر أو السكريات عموما. ومش كدة بس، ده في دراسة تانية بتقترح إن المحليات الصناعية مرتبطة بإنخفاض اللبتين –بروتين بتفرزه خلايا الدهون- اللي ليه دور كبير في التحكم بالشهية وتخزين الدهون.

لو عايز تنزل الكرش وتتخلص من دهون البطن يبقى لازم تأكل الأكل اللي مؤشر نسبة السكر فيه قليل زي التفاح والموز والجزر والبروكولي والعيش والمكرونة بس اللي بالقمح الكامل، وحاول إنك تتجنب تماما المشروبات الغازية ومنتجات الدقيق الأبيض.

It's only fair to share...Share on Facebook1kShare on Google+0Pin on Pinterest0Tweet about this on Twitter
التعليقات(1)
  1. Dr Soheir Makarem 02/04/2016

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *