طريقة حل تشابك الشعر من غير تعب!

مع زيادة المنتجات اللي بنستخدمها لشعرنا في الفترة الأخيرة لسة المشكلة الأساسية زي ماهي: تشابك الشعر! أي حد شعره طويل أو تقيل أو ربنا رزقه بالاتنين مع بعض مثلا زيّ أكيد عنده معاناه مستمرة مع التشابك وأكيد بيقضي وقت كتير في محاولة –فاشلة في معظم الوقت- للتعامل مع شعره! علشان كدة حسيت إن ممكن تانجل تيزر يكون هو أخيراً الحل.

Tangle-Teezer

تانجل تيزر أداة صغيرة وقوية يادوب على قد الإيد، ممكن تحطيها في شنطتك ويفضل شعرك طول الوقت وفي أي مكان منغير أي تشابك ولامع وشكله صحي وجميل. وبييجي كمان معاها غطاء سهل الفتح علشان يحمي سنانها الخاصة من التراب والتكسير.

إشتريت الفرشة بحوالي 250 جنيه من صالون تجميل محمد الصغير وبصراحة عجبتني أول ما جربتها.اول ما إستخدمتها  حسيت إنها صغيرة شوية لشعري الطويل بس تانجل تيزر عملت كل اللي المفروض تعمله واللي كنت متوقعاه. بتنضف الشعر وتخليه بيلمع وصحي وناعم.

أسنان تانجل تيزر الناعمة بتدلك فروة الرأس بنعومة وبتحسن الدورة الدموية اللي بتفيد جذور الشعر وبما إنها خفيفة فهي سهلة الإستخدام ومابتتعبش دراعك وإنت بتستعمليها حتى لو شعرك طويل. الغطا كمان بيضمن نظافتها بإستمرار وبيفضل في مكانه. الحجم والشكل عموما بيخلي مسكها سهل وعملي.

تنضيف الفرش العادية دايما صعب ومقرف وكمان بياخد وقت كتير بس في تانجل تيزر ممكن تشيلي كل الشعر منها بسهولة جداً.

خدي بالك إنك ماتحاوليش تسرحي بيها شعرك بطوله في مرة واحدة –يعني من الجذور للأطراف- أو إنك تشدي بقوة لأن سنانها المرنة بتخليها تديكي أحسن نيجة لو أخدتي كل خصلة لوحدها من تحت لفوق وهكذا.

It's only fair to share...Share on Facebook15Share on Google+0Pin on Pinterest0Tweet about this on Twitter
الكلمات الدليلية:, ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *