فوز منتخب مصر بميداليتين برونز في اليوم الخامس لأولومبياد ريو 2016

Egyptian Champs Sara Samir and Mohamed Ehab

الفايزين بالميداليتين البرونز سارة سمير و محمد إيهاب

سارة سمير (18 سنة) حققت لمصر أول ميدالية برونزية في أولومبياد ريو

Sara Samir crowned Bronze at the Rio Olympics

بطلة مصر سارة سمير مع ميداليتها البرونزية في أولومبياد ريو 2016

بطلة مصر لرفع الأوزان سارة سمير اللي فاتتها أمتحانات الثانوية العامة عشان تستعد نفسياً و جسدياً للألعاب الأولومبية في ريو حققت لمصر فوز رائع النهاردة الصبح بحصولها على أول ميدالية برونزية ليها في منافسات رفع الأوزان لفئة 69 كجم نساء، سارة رفعت بالأجمالي 255 كجم بعد ما نجحت في كل رفعات الخطف و النطر، بطلة الصين يانمي جيانج فازت بالميدالية الدهبية بوزن 261 كجم و الميدالية الفضية راحت لجازيرا جاباركل من كازاخستان بوزن 259 كجم.

سارة سمير من الأسماعيلية و هي أول بنت مصرية و عربية و أفريقية تفوز بميدالية أولومبية من بداية مشاركة مصر في الألعاب الأولومبية في سنة 1912، لكن من المتوقع أن عبير عبدالرحمن أحتمال تاخد الميدالية الفضية في رفع الأوزان لفئة 75 كجم نساء لمشاركتها في أولومبياد لندن 2012 بعد ما ينتهي التحقيق في النتايج الرسمية و اللي فيه شك أن كان فيها غش من بعض المتنافسين، لكن سارة هي أول بنت تحصل على ميدالية أولومبية على منصة الألعاب الأولومبية.

بعد فوزها صرحت سارة لرويترز أن “ده شرف كبير، مصر كلها كانت مستنية ميدالية أو ميداليتين من منتخبنا”.

فوز محمد إيهاب بتاني ميدالية لمصر

محمد إيهاب (27 سنة) حقق تاني فوز لمصر بحصوله على ميدالية برونزية في منافسات رفع الأوزان لفئة 77 كجم رجال في الألعاب الأولومبية في ريو بعد ما رفع 361 كجم بعد عدم نجاحه في محاولتين رفعات خطف و نطر، محمد جه في المركز التالت بعد الكازاخستاني نيجات راهموف و اللاعب الصيني لو شاوجون و اللي حققوا رقم قياسي عالمي و أولومبي جديد برفع 379 كجم.

Mohamed Ehab on the podium carrying his later father's picture Rio Olympics

محمد إيهاب على المنصة الأولومبية و هو شايل صورة والده في أولومبياد ريو 2016

محمد طلع على المنصة الأولومبية و هو شايل صورة والده الله ريحمه و قال “كان نفسي يبقى معايا”

It's only fair to share...Share on Facebook8.5kShare on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *