معدل الحرق : ليه فيه ناس بتاكل و مبتتخنش؟

.شوية معلومات كدة عشان نبطل نحقد على الناس اللى بتاكل و مبتتخنش

طبعا كلنا قابلنا فى حياتنا نوع الناس اللى بتاكل كل حاجة عادي و مبتتخنش و قابلنا بردو اللى بيتخنوا من أقل حاجة بياكلوها… و اللى بيحدد ده حاجة اسمها “الميتابوليزم” وده بالعربى كدا المسؤل عن معدل حرق السعرات الحرارية فى الجسم.

ايه العوامل اللى بتأثر  على معدل الحرق:

  • تكوين الجسم: جسمك دا عبارة عن عضل و دهون و مياه و حاجات تانية و كل ماتكون العضلات أكتر فى جسمك, كل ماتكون بتحرق سعرات حرارية أكتر عشان كده الناس اللى بتعانى من الحرق البطيئ بينصحوهم دايما بتمرينات تزود الكتلة العضلية فى الجسم.
  • النوع: الرجالة ربنا خلقهم بكتلة عضليه أكتر من أي ست فى نفس العمر فبالتالى نسبة الحرق عندهم دايما أعلى
  • السن : كل ما بتكبر فى السن كل ما حجم العضل بيقل فى جسمك و ده بيخلى نسبة الحرق تقل و عشان كدة كل ما الناس بتكبر بتحس ان الخسسان بقى أصعب

 فيه عوامل تانية ممكن تتسبب في زيادة وزنك غير الميتابوليزم او معدل الحرق:

meta

  • لو بتاكل او بتستهلك عدد كبير من السعرات الحرارية في اليوم, يعنى متتوقعش تخس لو انت بتأكل 5000 سعرة حرارية في اليوم!
  • لو مش بتمارس الرياضة بشكل منتظم
  • ممكن تكون بتاخد بعض الأدوية اللي بتسبب زيادة في الوزن زي الكورتيزون
  • بعض العادات السيئة زي عدم النوم بقسط يومي كاف

لو قلقان من بطئ عملية الحرق في الجسم, لازم تتأكد الأول انك مش بتتخن بسبب العادات غير الصحية. و ممكن تتابع مع مركز من مراكز اللياقة البدنية للوصول لمعدل حرق مناسب لجسمك .. في النهاية كل اللي عليك تعمله انك تتبع جيدة نظام أكل كويس ومتوازن و طبعاً لازم تمارس  الرياضة بشكل منتظم حتى لو لمدة 30 دقيقة بس فى اليوم.

It's only fair to share...Share on Facebook2.7kShare on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *