مفيش وقت للجيم ؟ اتمرن من البيت!

أيوه! اتمرن من البيت

نويت تتمرن و تحسن الصحة و تظبط الفورمة بس مش لاقي وقت تروح فيه الجيم ؟ ما تستسلمش و خليك على هدفك، لأن الجيم مش المكان الوحيد اللي ممكن تتمرن فيه، فيه تمارين كتير ممكن تعملها في أي مكان حتى لو في البيت و في وقت سريع من غير ما تركب مواصلات أو تروح لغاية الجيم، فمهما كان وقتك مشغول مفيش حاجة هتمنعك من أنك تتمرن في بيتك في أي شوية وقت فراغ عندك.

!طب نعمل ايه

النقطة الأهم أن الفكرة الشائعة اللي بتقول أن التمرين من البيت حاجة تبع المبتدئين بس دي فكرة غلط تماماً، لأنك تقدر تزود صعوبة التمارين اللي بتعملها بشكل يتناسب مع صحة جسمك و قوته، و لأفضل نتايج يستحسن أن حتى لو بتعمل تمارينك من البيت أن تخلي ليها وقت يومي محدد حتى لو كان مش أكتر من 30 دقيقة عشان تحافظ على أنتظامك و تركيزك في التمرين، و  زي ما بينصح موقع بودي بيلدينج – نوّع في تمارينك عشان متزهقش!

 تمارين السكواد:

التمارين دي بتشتغل على عضلات الرجل و الجزء العلوي من جسمك و منطقة البطن، و تقدر تعملها في البيت بالترتيب من غير ما تحتاج أي أدوات:

split-squat

تمرين السكواد

  • ابدأ برجل محطوطة قدامك و أنزل بجسمك و بعدها نط و أنت بتبدل أماكن رجليك، كرر الحركة دي بسرعة 10 مرات لكل رجل و حاول تنط لأعلى مستوى تقدر عليه، خد راحة 60 ثانية و كرر التمرين 4 مرات.
Spider-Man-Crawl

تمرين السبايدر

  • تمرين السبايدر:

أنزل على الأرض في وضعية الضغط و خد خطوة كبيرة بإيدك اليمين و رجلك الشمال مع بعض عشان تتحرك على الأرض و حاول تقرب ركبتك لكفك على قد ما تقدر، و بدل بين إيدك اليمين و رجلك الشمال و إيدك الشمال و رجلك اليمين و أنت محافظ على جسمك قريب من الأرض، أعمل الحركة دي 10 مرات و خد راحة 30 ثانية و أرجع كرر التمرين 6 مرات.

bootcamp-spiderman-pushup

  • ابدأ في وضعية الضغط برضه و أنت بتنزل بجسمك لتحت حرك ركبتك اليمين ناحية كوعك اليمين و انت بترفع نفسك تاني رجع رجلك مكانها، و كرر الحركة على الجانب التاني بعدد 10 مرات لكل جانب مع راحة 30 ثانية بين كل مجموعة و اللي بعدها، لإجمالي 6 مجموعات.
Side plank lift

تمرين البلانك

تمرين البلانك:

 نام على الأرض على جنبك و أنت شادد رجلك و جسمك، و أرفع نفسك بإيدك اليمين و كوعك عن الأرض و أنت محافظ على جسمك مفرود و رجلك مشدودة. و بعدين أنزل بجسمك و غير للإيد الشمال و كرر نفس الحركة. أعمل 4 مجموعات كل واحدة من 5 مرات، مع راحة 30 ثانية بين المجموعات.

أعمل التمارين دي يومياً بالطريقة الصحيحة عشان تديك أحسن نتايج و مع الأستمرار عليها هتبقى أسهل تدريجياً و هتحسن قوة عدد كبير من عضلات جسمك. و أهم حاجة أنها بتتعمل من البيت و مش هتاخد منك إلا وقت قليل فسيبك من الكسل!

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *