4 إشاعات إوعى تصدقها عن التمرين

التمرين دلوقتي بقى جزء أساسي من روتين حياتنا خصوصاُ تمارين الأوزان، وأصبحت علاج لمشاكل كتير زي السمنة والنحافة وضعف اللياقة وعلاج للإكتئاب وكمان الحل لأي حد عايز يشكل جسمه. لو سألت دكتور تغذية أو مدرب رياضي أول حاجة هينصحك بيها هي التمرين. بس كالعادة مفيش حاجة بتنتشر غير لما يطلع عليها أساطير وخرافات، دي 4 إشاعات إوعى تصدقها عن التمرين :

الإشاعة رقم 1: لازم تتمرن بعنف وتجيب اخرك فى التمرين

طبعاً طبيعى انك تتمرن كويس وتبذل اقصى جهدك فى الساعه اللى بتتمرنها. بس دا مش معناه انك تسيب نفسك لحد ما تتصاب! اعرف امتى توقف وامتى تاخد راحه. لو حسيت بوجع فى الظهر او المفاصل، وقف التمرين. فرّق بين الوجع والشد العادى او الطبيعى اللى بيجى بعد التمرين، وبين الألم اللى بيجى اثناء التمرين!

12-signs-youre-overtraining-main

الإشاعة رقم 2: تمارين الاوزان ممكن تضر مفاصلك

دي إشاعة منتشرة بين ناس كتير، بس لازم تعرف إن طول ما إنت بتعمل التمارين المناسبة و بالشكل الصح دة مش هيضرك أبداً بالعكس في أبحاث أثبتت إن تمارين الاوزاان بتقوي العضلات وبالتالي مبتضرش المفاصل لانها بيخلى المفاصل نفسها اقوى! 

الإشاعة رقم 3: لو بطلت تمرين، العضلات هتتحول لدهون وهتتخن كل إللي خسيته

الإشاعة الأكثر إنتشاراً! الأنسجة العضلية والدهون حاجتين مختلفين تماماً عن بعض، والعضلات هي إللي بتساعدك على حرق الدهون. لو بطلت تمرين إللي هتخسره هو كتلة العضلات بس مش هتتحول لدهون. انت ممكن تزيد فى الوزن وفى نسبة الدهون لو اكلت اكتر مما جسمك بيحرق واستهلك سكريات ودهون عاليه

الإشاعة رقم 4: الكارديو بيحرق السعرات أكتر من تمارين الأوزان

تمارين الأوزان بتحرق 50% من السعرات الحرارية أكتر من الكارديو، ودة بيرد على الإشاعة رقم 4

cardio

It's only fair to share...Share on Facebook20Share on Google+0Pin on Pinterest0Tweet about this on Twitter
الكلمات الدليلية:, , ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *