4 طرق ديتوكس لبشرة نقية

نفسك في أي طريقة توصلي بيها لبشرة صافيه ونقية؟ بشرتك دهنية؟ بتعاني دايما من الحبوب أو الرؤوس السوداء؟ بشرتك جافة بزيادة ومش عارفة تعملي إيه؟ ممكن كل ده يكون بسبب أكلك!

السكر ومنتجات الألبان وكمان الأكلات اللي فيها انواع معينه من النشويات ممكن يكون ليها تأثير كبير قوي على بشرتك؛ لو أكلك كله مليان الحاجات دي أو معتمدة على الأكلات دي لنظامك الغذائي من فترة يبقى أكيد بشرتك بتعاني… إنت محتاجة تتخلصي من السموم اللي في بشرتك كلها أو محتاجة ديتوكس لبشرتك!

فكرة انك تنقي بشرتك من خلال أكلك أكيد حاجة ممكنة وسهلة كمان، كل اللي عليكي تعمليه إنك تتجنبي او تقللى على قد ما تقدرى من السكريات والألبان كاملة الدسم والنشويات وياريت كمان تقللي الدهون المشبعة علشان تتخلصي من جفاف البشرة والحبوب. جربي كمان الطرق السهلة دي علشان تساعدك تنقي بشرتك .

The-Acne-Fighting-Clear-Skin-Superstar

حمام مياه بالملح

حمام المياه بالملح مش بس هيساعدك تسترخي وتريحي أعصابك بعد يوم طويل في الشغل أو مع الولاد، لأ ده كمان هيساعدك تنقي بشرتك. الملح مليان معادن بتساعد بشرتك تستعيد حيويتها وصحتها وكمان سهل إمتصاصها عن طريق الجلد. ممكن كمان تزودي كام نقطة زيت من الزيوت الأساسية زي زيت النعناع أو اللافندر أو جوز الهند علشان تزودي إستمتاعك بالحمام ورائحتة الجميلة وكمان تغذي بشرتك زيادة.

المخللات

تخيلي إن الأكل المخلل ليه فوائد كتير جدا لبشرتك؟ الخضار المخلل –وخصوصا الكرنب لأنه مليان كولاجين اللي بشرت محتاجاه- ليه خصائص كتير لتنقية البشرة من السموم والشوائب عموما لأنهم مليانين بالبروبايوتك (أيوة زي اللي في الزبادي) اللي بيهاجم البكتيريا والشوائب ويساعدك تنقي بشرتك وتعيدي حيوتها.

ساونا وحمام بخار

تعرفي إنك ممكن تخلصلى من حوالي 30% من السموم اللي في بشرتك  في الساونا؟ جربي تدخلي كمان حمام البخار 10 دقائق أو ربع ساعة بعد الساونا علشان يساعد بشرتك أكتر ويخليها صحية .

مياه

أيوة إحنا عارفين إنها حاجة سهلة بس للاسف ناس كتير بتنساها. كل ماتشربي ميه أكتر كل ما بشرتك هتنور أكتر وتكون صافية وصحية. المياه بتساعد بشرتك تحافظ على صفاءها وتخلي جلدك مرطب.

It's only fair to share...Share on Facebook2.1kShare on Google+0Pin on Pinterest0Tweet about this on Twitter
الكلمات الدليلية:, , ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *