5 أكلات لمزاج أحسن

ضغوط حياتنا اليومية وعلاقتنا الإنسانية اللي بتزداد كل يوم عقدت حياتنا أكتر وبتحطنا دايما تحت ضغوط أكتر فممكن نلاقي نفسنا دايما متضايقين أو متعصبين ومزاجنا مش دايما كويس أو ثابت.

لكن مش بس ضغوط الحياة هي اللي ممكن تأثر على مزاجك، ده كمان أكلك ممكن يكون ليه تأثير كبير لأن في أكلات كتير ليها تأثير سواء إيجابي أو سلبي على مزاجك.

خلى بالك مثلا من الأكل اللي فيه سكر كتير لأن السكر برغم إنه بيخليك تحس بإحساس كويس بعد لما بتاكله على المدى البعيد تأثيره سابي على مزاجك وكمان جسمك بيدمنه!

في المقابل في أكلات كتير ممكن تحسن مزاجك وتخلى موودك أحسن. النهاردة جايبنلك 5 من الأكلات دي.

  • الشوكولاتة

الشكولاتة من الأكلات اللي مفيدة جدا لمزاجك، لو أكلت حوالي جرام ونص شوكولاتة (ياريبت تكون داكنة) لمدة إسبوعين هتقلل هرمونات التوتر وتساعدك ترتاح وتحسن مزاجك. بس إتاكد طبعاً إنك ماتأكلش كتير علشان ممكن تتخن وتكتئب أكتر.

  • النشويات

السكر صحيح بيخلى مزاجك أحسن لكن النشويات أكيد هتخليه أحسن. لسة مش عارفين بالضبط ليه، بس الخبراء إقترحوا إن النشويات ممكن تكون بتأثر على إنتاج مادة السيروتونين في المخ اللي بتخليك مش مكتئب وتخلى مزاجك أحسن. كل النشويات المفيدة لجسمك وتجنب منتجات الدقيق الأبيض.

  • الخضروات

الخضار عموما مفيد جدا  الفيتامينات والمعادن اللي فيه مهمين جدا لمزاجك. كمان الخضروات اللي فيها مضادات أكسدة زي البروكولي مثلا هتساعدك كتير إنك تحسن مزاجك. أما الخضروات اللي فيها فيتامين ب  زي السبانخ والخضروات الخضراء والحوامض بتأثر على الناقلات العصبية اللي بتأثر على مزاجك.

  • السمك

لأنه فيه أوميغا 3، الأسماك زي التونة والسلمون والسردين هتساعدك كتير جدا في إنك تحسن مزاجك. بس خد بالك ماتأكلش تونة كتير لأن فوق الحد المسموح ممكن تعملك تسمم زئبق.

  • الشاي

في دراسة إقترحت إنك لما بتشرب شاي  أعصابك هترتاح ومزاجك هيتحسن. سواء بقى شاي عادي أو شاي أخضر أو حتى شاي صيني، الشاي هيساعدك تسترخي وتهدي أعصابك أكيد.

أكلات تانية زي المكسرات والتوت والبيض والزبادي ليهم كمان دور كبير في تحسين مزاجك. جرب الأكلات دي وقولنا على النتيجة. ولو عندك أكلات تانية كمان بتساعدك قول لنا عليها!

It's only fair to share...Share on Facebook1.9kShare on Google+0Pin on Pinterest0Tweet about this on Twitter
التعليقات(1)

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *