5 طرق علشان تأكل أقل

نفسك تأكل أقل؟ إحنا كبني أدمين مش جامدين قوي يعني في السيطرة على نفسنا… خصوصا في الأكل. ممكن علشان كدة معظمنا كمصريين وزننا زايد حبتين…

في طرق ممكن تخليك ماتنساش نفسك وإنت بتاكل أو تخليكي تمسكي نفسك عن اللقمتين تلاتة الزيادة! جربوا الخمس حاجات دول وهتلاقوهم ولا السحر:

1 – صغروا أطباق الأكل:

في دراسة عملوها في سنة 2012 قالت إن الناس بتملها أطباقها أقل لما يبقى الطبق أصغر. الدراسة دي بتقول لك إن لما يكون الطبق صغير بيتملي بأكل أقل، ولما يخلص غالبا هتكسل تملاه تاني أو مش هتملاه وخلاص فبالتالي هتاكل أقل. كمان دي طريقة سهلة إنك تضحك على مخك في كمية الأكل اللي بتأكلها، لو الطبق الصغير مليان على الأخر مخك هيفكر إنك أكلت أكتر من الحقيقة والعكس صحيح.

2- ماتأكلش وأنت بتتفرج على حاجة:

سواء بقى قدام التليفزيون أو الفيلم الجديد اللي مكسر الأوسكار على اللاب توب، الأكل وإنت بتتفرج على حاجة بيخليك تأكل أكتر بكتير منغير ما تحس حتى! ركز على الأكل وإنت بتأكل ولو إنت في الشغل أحسن لك ماتأكلش على المكتب، روح حتة تانية وأهو حتى يبقى تغيير جو.

3- خلي الأكل بعيد عنك شوية:

تخيل كدة لو وإنت قاعد بتشتغل يكون في علبة شوكولاتة من اللي قلبك يحبها على مكتبك، تفتكر ممكن تمسكينفسك وما تنقضيش عليها ؟؟ أكيد لأ. طيب تخيل كدة علبة الشوكولاته دي مش موجوده على مكتبك، فأكيد هتأكليشوكولاتة أقل. طبق بقى المثل ده على كل الأكل اللى مش صحى وحاول دايما تخلي الأكل بعيد عنك.

4- كل ببطء:

الأكل متعة، حتى لو هتموت من الجوع حاول تستمتع بالأكل وتأكل بالراحة. الأكل ببطء هيخليك تحس بالشبع أسرع وتأكل قليل. لما بتاكل براحه بتدى وقت لمراكز الشبع فى المخ انها تسجل انك بتاكل. لما بتاكل بقي بسرعه، المخ مش بيلحق. كل على مهلك واستمتع بكل قطمه

Getty_071012_CuttingFood

5- قطع الأكل أصغر:

لما تقطع الأكل حتت صغيرة مخك بيفتكر إنك بتأكل أكتر. حاول متملاش بقك بالأكل على الأخر وتأكل لقم صغيرة علشان تحس بالشبع أسرع وتأكل أقل. جرب ومش هتندم!

It's only fair to share...Share on Facebook2.7kShare on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *