5 فوايد لصحتك ب المانجه!

المانجه من حلاوتها لما حد بيقول أنه مش بيحبها الناس بتبصله كأنه غريب! لكن الفاكهة اللي بنستناها من السنة للسنة و يوم ما أخيراً بتنزل مبيبقاش فارق معانا العك و كمية بقع الهدوم اللي هتحصل ليها فوايد صحية كتيرة جداً فوق حلاوة طعمها تخليك عايز تاكل منها أكتر!

  1. فيها مضادات للسرطان! المانجه فيها مركبات مضادة للأكسدة بتقلل فرص الأصابة بسرطانات القولون و الثدي و الدم، من المركبات دي الكيرستين و الأستراجالين و عدد كبير من الأنزيمات. كل على الأقل مانجه واحدة يومياً عشان توفر لجسمك مضادات أكسدة كافية لحمايته من السرطان.

mangoes_650x400_61434975625

  1. بتظبط البصر و صحة العين: كلنا سمعنا جملة الجزر بيحسن البصر، لكن كوباية مانجه يومياً بتوفر لجسمك 25 في المية من إحتياجاته من فيتامين أ، و اللي بيساعد على تحسين البصر و بيمنع أمراض العين زي ضعف الحساسية للضوء أو جفاف العيون، بس ده مش معناه بلاش جزر، جرب تعمل عصير مانجه مع جزر عشان تزود فايدة المشروب و تجرب طعم جديد!
  1. بتديلك بشرة صحية و جميلة: المانجه مفيدة لأنتعاش و صحة البشرة سواء أكلتيها أو أستعملتيها ماسك على البشرة لأنها بتنضف المسامات و بتمنع ظهور الحبوب بسبب أحتوائها على كمية كبيرة من فيتامين أ و فيتامين سي، تقدري تعملي ماسك بسيط من المانجه بضربها في الخلاط مع أي نوع من الزيوت المغذية للبشرة و سيبي الماسك على الوش ربع ساعة.

mango-desserts

  1. مليانة مواد غذائية لجسمك! كوباية مانجه واحدة بتحتوي على 75 في المية من فيتامين سي اللي جسمك محتاجه، و كمان فيتامينات ب اللي ليها دور أساسي في الصحة العصبية و منع أمراض القلب، و كمان بتحتوي على معادن زي المانجنيز و البوتاسيوم اللي بيساعد على موازنة مستويات الصوديوم اللي بياخده الجسم من الملح و بيزود قدرة العضلات على التمرين و التحمل.
  1. كلها حتى لو عندك سكر! المانجه معروف ليها من زمان قدرتها على تنظين مستويات الأنسولين في الدم، ده غير أنها مش بتتسبب في رفع مستوى السكر كتير مع أن طعمها حلو و مسكر، و عشان كده تقدر تاكل منها كميات معتدلة حتى لو عندك سكر بدون ما تلاحظ زيادة في مستوى السكر.
It's only fair to share...Share on Facebook0Share on Google+0Pin on Pinterest0Tweet about this on Twitter
الكلمات الدليلية:, ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *